NUNAP PIGINNAASAI
Nuna kajortumik qaamasunik qalipaateqarpoq, kajortullu titarnerit imaata portussusaanut sanilliullugu portussutsit 10 meterikkaarlugit assigiiaat ataqatigiisillugit nalunaarsoqqapput. Qaammataasiakkut paasissutissat pissarsiarineqarsinnaasut amigaraangata nunap assinga sungaartumik aappaluttumilluunniik qalipaateqartarput. Nunap assingani taamannak qalipaatilinni inuit mianersornissaannik innersuunneqarput. Kuut tasiillu tungujortumik qalipaateqarput. Imaq tungujortumik qaamasumik qalipaateqarpoq, itissutsillu 50 meterikkaartunik immikkoortiternikunik nalunaaqallutik. Imaani nunaanilu 100 meterikkaarlugit portussutsit silinnerusumik killilimmik nalunaarsoqqapput.
Portussutsit
Qaqqat aqqutillu amerlanersaat portussusaat nalunaarsoqqapput. Sumiiffinni ilaanni uuttuinerit takutissimavaat nunap assingi pisoqqani portussutsit allaanerusut allattorneqarsimasut, pitsanngorsarneqarnikuuppullu nunap assingini ukunani, piffinni ilaanni assigiingissutsit 100 meter tikillugu nikingasunik nalunaarsorneqarsimammata. Qeqertarsuarmi Aappalaartoq, nunap assingini pisoqqani 190 meterimik pukkinnerusumik nalunaarsorneqarnikuusimavoq. Tuapassuit kangiata avannaanianiittoq qaqqaq atserneqarnikuungitsoq 1126 meterinik portussusilittut nalunaarsornikoq 140 meterinik pukkinnerusutut uuttortarneqarsimavoq. Qaqqaq aamma alla Tuapannguit kangiata avannaanianiittoq atserneqarnikuungitsoq 1320 meterisut portutigisutut nalunaaqutsernikoq taamatuttaaq 155 meterinik pukkinnerusumik uuttortarneqarsimavoq. Qooqqut kangiatungaaniittoq qaqqaq 1305 meterinik portutigisutut uuttortarneqarnikoq uuttuinerit kingulliini 115 meterinik portunerusutut uuttortarneqarsimavoq.
Nunap aqqi
Nunap aqqi tamarmik Oqaasileriffimmit pissarsiarineqarsimapput. Qaqqat, sumiiffiillu aqqi qernertumik allattorsimapput. Aqqit allat qasertumik allattorsimallutik.
NUNAMI ATAQATIGIISSAARINERMI ATORTUT
Illuaraq
Illuaqqat inuinnarnit pigineqartut Nuumi Kapisilinnilu kisiisa nalunaarsoqqapput. Sermersooq Kommunemit sanatinneqarnikuusut illuaqqat nunap assinga 1-Nuumi nalunaarsoqqapput, 2-Qooqqut, 3-Ameralla taavalu 6-Kapisillit taakkulu pisuinnarnut Nuuk Kapisillillu akornanni aqqutimi nalunaarsoqqapput.
Mittarfik
Mittarfiit pisoqqat nutaallu Nuuk mittarfianiittut ilaapput. Inissisimaneri eqqorluartumik inissinneqarnikuupput, kisiali timmisartumik angalasunit sumiissusersiutitut atorneqassanngillat.
Naliginaassumik aqqut imal. pituutaq / ikaartarfik
Nunap assingi inuinnarnut isumannaatsumik sumiissusersiutitut misissuinernilu atorluarneqarsinnaapput. Nuuk eqqarisaani pisuinnarnut aqqutit pingasut ilaapput.